Í Austur Ultra er hlaupið um eitt stórkostlegasta og fjölbreytilegasta þversnið af íslenskri náttúru. Frá hálendismelum um grösugan dal óbyggðanna. Eftir litskrúðugum skriðum, hrikalegu jökulsárgljúfri og gróskumiklum birkiskógi.

​

Þrjár vegalengdir eru í boði, 53 km, 18 km og 9 km. Rásmark allra vegalengda er í Hvannagili. Þangað komast allir bílar og þar er einnig hægt að leggja bílum. Hvannagil er í um 10 mínútna keyrslu af þjóðvegi 1 og koma keppendur sér sjálfir að rásmarkinu. Boðið verður upp á ferðir á lítilli rútu inn að Hvannagili á 30 mínútna fresti frá kl. 15:30 á mótsdegi fyrir þá sem skilja bílana sína þar eftir. Við mælum þó með því að keppendum sé skutlað í rásmarkið ef það er möguleiki svo ekki myndist mikil bið eftir rútuferð eftir hlaup.  Drykkjarstöðvar verða við Eskifellsbrú, Kollumúla og í Hvannagili og má sjá frekari upplýsingar um drykkjarstöðvar undir "Hlaupaleiðin". Endamark verður á tjaldstæðinu á Stafafelli og þar verður tónlist og stemning á meðan það er grillað ofan í keppendur.

​

Tjaldstæði og önnur gisting er á svæðinu en einnig eru margir gistimöguleikar á Höfn sem er í um 25 mínútna akstursfjarlægð frá mótsstað. Ýmsar upplýsingar má finna á Facebook síðu Austur Ultra og einnig Stafafells.

​

Afhending hlaupagagna fer fram við rásmark og við mælum því með að keppendur séu mættir tímanlega.

​

​Upplýsingar á mótsdegi, mótstjórn og endamark verður á tjaldstæðinu Stafafelli. Tímataka er í höndum timataka.net og er notast við tímatökubúnað frá MyLaps.